(අ)හිමිවීම

සොඳුරු දවසක එදා ආදරෙන් ඉන්න ඇති

උරමඩල හිස තියා සෙනේ සුව විඳින් ඇති

ජිවිතය ආදරය පමණක්ම වෙන්න ඇති

පැතුම් දහසක් අතර තනිවුනා මතක ඇති

ඔය දෑස මත සෙවූ ආදරය නිමක් නැති

කොතන කෙදිනකදි හෝ මාත් ‍රැවටෙන්න ඇති

මතකයට විත් ඔයා කඳුලු බිඳු වැටෙන් ඇති

කඳුල උරුමය වෙලා ඔයා දුර යන්න ඇති

අතීතය සිහිනයකි ‍රැ‍ඳෙන්නට වරම් නැති

ආ දුරත් වැඩි නිසා ඉතින් ඔබ යන්න ඇති

වසන්තය නිමා වී ගිමන් කල එන්න ඇති

ජීවිතය විඳවන්න ලියවිලා තියෙන් ඇති

සඳ නේන රෑ පුරා ඔබෙ රුවම සොයන් ඇති

තාරුකාවී ඔයා මගෙන් දුර ඉන්න ඇති

යලිත් ඔබ දකින්නට සහසකුත් පැතුම් ඇති

සසර මතු දිනෙක යලි ඔබෙ වෙන්න පතමි නිති.